. विशेषज्ञ र एमबीबीएस डाक्टरसहितको स्वास्थ्य सेवा मदन भण्डारी अस्पतालमा::Online News
श्रावण १०, २०७८ आइतबार
SiddhakaliMedia

Space for Ads (1200*90)px

×
>

प्रकाशित मिती : २०७८ असार ५ गते , शनिबार

विशेषज्ञ र एमबीबीएस डाक्टरसहितको स्वास्थ्य सेवा मदन भण्डारी अस्पतालमा


उर्लाबारी / उर्लावारी-३ मंगलबारेमा रहेको मदन भण्डारी अस्पताल तथा ट्रमा सेन्टरमा विशेषज्ञ चिकित्सकहरुको सेवा सुरु हुन थालेकाे छ । अस्पतालमा हाल ५ जना विशेषज्ञ डाक्टरहरुले सेवा दिइरहेका छन् ।

अस्पतालमा हाल एनेस्थेसियालोजिस्ट डाक्टर दिव्य खनाल, वरिष्ठ अर्थोपेडिक सर्जन डा. केशवमणि गौतम , वरिष्ठ अर्थोपेडिक सर्जन डा. रवि साह,वरिष्ठ बाल रोग विशेषज्ञ डाक्टर सुनिल अधिकारी र एमडीजीपी डा. मोनिका कठायतले सेवा दिइरहेको अस्पताल प्रशासनले जनाएको छ ।

पूर्वी मोरङमा सबैभन्दा धेरै पूर्णाकालीन वरिष्ठ चिकित्सहरु रहेको यो नै एक मात्र अस्पताल हो । यस्तै तीन जना एमबीबीएस डाक्टरहरुले पनि पूर्णकालीन सेवा दिइरहेका छन् । हाल अस्पतालमा डा .सुरेश साह, डा. दिपिका सुवेदी र डा. सन्ध्या महर्जनले विशेषज्ञ सेवा दिइरहेका अस्पतालका निमित्त मेसु डाक्टर दिव्य खनालले जानकारी दिएका छन् ।

यसअघि दिइंदै आएको सेवामा थप सुविधा उपलब्ध हुने उनले जनाएका छन् । यसअघि हातको सर्जरी मात्रै हुने गरेकोमा अबदेखि खुट्टा सम्बन्धीका सर्जरीहरु पनि मंगलबारे मै उपलब्ध हुने डाक्टर खनालले जानकारी दिएका छन् ।

वरिष्ठ बालरोग विशेषज्ञ डाक्टर मंगलबारेमै उपलब्ध हुन थालेपछि महँगो मूल्य तिरेर निजी अस्पताल तथा क्लिनकहरुमा सेवा लिन जानुपर्ने झन्झटबाट पनि स्थानीयवासी मुक्त भएका छन् ।

अस्पतालमा हाल जनरल सर्जनको अभाव भने छ । जनरल सर्जनको सेवा उपलब्ध भएसँगै अस्पतालमा हर्निया तथा एपेन्डिसाइट्सका सेवाहरु पनि चाँडै सुरु हुने बताइएको छ ।

प्रदेश सरकार मातहत रहेको यो अस्पतालको हालसम्म दरबन्दी स्वीकृत भने भइसकेको छैन । प्रदेश सरकारले ओएनएम गरेर चाँडै नै स्वीकृत दरबन्दी निकाल्नुपर्ने स्थानीयले बताएका छन् ।

सुनसरीको इटहरी पारी र झापाको दमक पारी क्षेत्रका अस्पतालहरुमध्ये सबैभन्दा धेरै स्वास्थ्यकर्मी र पूर्णकालीन दरबन्दी भएर काम गर्ने विशेषज्ञ चिकित्सकहरुको संख्या मदन भण्डारी अस्पताल तथा ट्रमा सेन्टरमा मात्रै छ ।

अस्पतालमा नयाँ आएका विशेषज्ञ चिकित्सकहरुलाई एक कार्यक्रमकाबीच अस्पताल विकस समितिका अध्यक्ष नरेश पोखरेलले स्वागत गर्दै सेवा प्रभावकारी बनाउन आग्रह गरेका छन् ।
(राष्ट्रिय समाचारपत्र दैनिक बाट )


सेयर गर्नुहोस

यो खबर पढेर तपाईलाई कस्तो महसुस भयो ?

तपाईंको प्रतिकृया

साताको लोकप्रिय

नेपालबाट चार देशका लागि नियमित उडान खुला

प्रकाशित मिती : २०७८ जेठ १४ गते , शुक्रबार

निर्दोष बालबालिका माथी अत्याचार र अन्याय विरुद्धको सुभकामना

प्रकाशित मिती : २०७८ जेठ २१ गते , शुक्रबार

मुख्यमन्त्रीद्वारा भोजपुर–टक्सार विमानस्थल सडक उद्घाटन

प्रकाशित मिती : २०७७ कात्तिक २४ गते , सोमबार

सिफारिस

आम माफी भयो आउनुहोस् पाटी एकता गरौ :ओलि

प्रकाशित मिती : २०७८ श्रावण ८ गते , शुक्रबार

शौचालय जाने क्रममा भिर बाट लडेर एक युवकको मृत्यु

प्रकाशित मिती : २०७७ चैत्र ९ गते , सोमबार

ह्वात्तै घट्यो सुनको मुल्य

प्रकाशित मिती : २०७८ जेठ १४ गते , शुक्रबार

हाम्रो टिम

सम्पर्क

Follow us at: